REAL KOYARI WEBPAGE

Franciskabubisemerel — Sat, 05 Dec 2009 07:35:46 CST

5 dec 2009
Koyari ta caba e anja den bon forma.....
REAL KOYARI TA PASA RIBA ROOI AFO 6-0 !!!!!!!
Despues di dos derota tras di otro ,Koyari a jega tanki leendert ayera nochi todo por todo pa enfrenta e caimanan di Rooi afo cu intenshon serio pa bai cu e tres puntonan.
Wega a cuminsa cu un dominio completo di e colebranan di noord i cu bon pasenan den bolantenan e publiko a hera jega den extasy visual.
Defensa na banda "mac truck"Jonathan cu a sonja cu e la a bai laga willie den un sprint a hunga tremendo den defensa parando tur e wega di Rooi afo.
Tambe por bisa cu Rubino cu tur su meja hancho cu e tawata tin a sa di hunga su mihor wega e anja aki.
Prome gol ta cai via di capitan J-REX cu Coach Oka tawata duda si e la come awe,pasobra e defensa nr.4 di Rooi afo a bodyslame mande tres meter den laira pa bahe riba su lomba.
Den di dos tempo "suavecito merengue" Marlon Lampe ta los un tiro di leuw cu " lucky effect" i ta score pa pone Koyari 2-0 ariba.
Despues di esaki tawata un one man show di "white kakalaka"Angelo cu un hatrick den su prome wega pa Koyari den campeonato.
Den bom di second half coach Oka cu tawata parse mas un gym leraar cu un coach di futbol a disidi di pone "arepa mal mara"Kendrick i "the legend"Francis despues cu hopi fanaticonan i espesial e senora cu dolo di lomba cu ta traha na warda di polis tawata grita e nomber di legend constantemente.
Ningun hende no a spera cu mester a jama New india insurance ora cu tur dos di e hungadornan aki a wordo Gedal pa un auto cu uniform di rooi afo riba veld.Cu un gol mas di J-REX e wega ta caba 6-0 i Koyari ta sera anja cu 20 punto.
Despues di wega e hungadornan por a come un dushi croquet i un delicioso kippepootjes acompanja pa un sabroso coca cola cu un sensacional Juni gordo i un espectacular Rafi a treat pa e SUPER CARAJO di e muchanan.

30nov 2009

Diaranzon awor pa 7.30pm (CU E TEAM DI LAFAMA)
TRAINING RIBA STADION DI FRANS FIGAROA!!!!

29 NOV 2009

What happened?..
REAL KOYARI ELIMINA PA BOSHI STRANHERO(san luis)!!!
Oka a bin cu un sistema di 4-4-2 contra San luis ,ya cu boshi hungadornan tawata yora cu otro sistemanan mas moderno.Momento cu Urney a saka dos bala malo cu man,nos tawata sa cu nada bon no por pasa e anochi aki.
San luis cu a parse di ta mas Junior de baranguila a sali i a forsa un paar di bon salba di nos keeper "the giant midget"Andruw ridderstaat.

Half-time a bai aden 0-0.
Di dos tempo por a ripara cu tin un paar di hungador atrobe hopi nervioso,nr.11 Romeo cu a bin di dos caminos no kier a hunga e bala patras pa nos keeper i a prefera di deks e hungador cu a kita e bala fei dje pa score e prome gol pa San luis.E foutnan aki coach Oka tin cu bai papia di nan ya cu den un wega preta asina e ta costa nos hopi.
Di dos gol di San luis ta jega den un fout di portero Andruw cu no a sali i a keda para frieuw den su gol pa laga e delantero di San luis pone e bala den net.
Di tres gol ta un fayo horipilante di defensa nr.16 Urney cu ta faya di rechasa e bala i ta lage den pia di e delantero cu ta score sin problema.San luis ta score un biaha mas pa asina wega caba 4-0 i elimina Koyari for di copa Betico.Coach Oka tin cu bai saka afor kon e lo kier traha e team pa e proximo wega.

27 nov 2009

Diasabra awor pa 8.30pm na Frans figoaroa pa copa Betico...
(hungadornan mester ta na stadion 7.45pm)
REAL KOYARI VS SAN LUIS

25 nov 2009
training awe na bubali pa 6.30pm
21 nov 2009
Invicto ta cai......
INDJANAN DI PARADERA TA PLACHA E COLEBRANAN 3-1
Si den un auto cuatro of mas piesa no ta traha bon ,ta claro cu e auto aki no lo core bon.
Esaki a pasa diahuebs ora cu Marvin,Rafi,Urney i Chamir,Romeo,Andruw a lubida pasa botica pa check e pildro magico di kita colijo na masa.
Caiquetio ta score riba un corner cu defensa di Koyari a laga e persona kop libremente.
Romeo a cuminsa bon pero manera e la sinti un tiki body contact e la desparese di bista.
Keeper "baby size"Andruw parse cu mester pensa seriamente di retira pasobra ta kada wega e ta sufri di lekshonan cu ta pone su mami hopi precupa na banda di veld.
Caiquetio ta bai ariba 2-0 ora cu half-time ta bai aden.
Den di dos tempo Koyari ta preshona pero sin por trese peliger riba gol di caiquetio.Caiquetio ta probecha esaki ta bai ariba 3-0.
Un pinalti ta wordo gefluit na fabor di Koyari unda cu Marlon"dulce de leche" ta score pa hasi wega 3-1.Koyari ta domina e ultimo parti di wega pero sin por hasi mas danjo na e team contrario.
Tur hende por a wak cu Caiquetio a hunga cu 12 hungador riba veld un di nan cu un fluit den man.Tambe por bisa cu Rubino a subi di dos tempo i a hunga bon cual ta pone Coach Oka duda cu ken e lo cuminsa otro wega cu lo ta contra Rooi Afo.
By the way esunan cu no ta compronde e sistema 4-2-3-1.Lo ta bai tin un les gratis dialuna awor duna door di master tactician the legend himself.

16 nov 2009

COLEBRANAN DI NOORD TA DAL UNDESA 2-1
Cu un biahe di larga distansia pa savaneta Real koyari cu ta na prome lugar i invicto mester a enfrenta e team di cas esta Undesa.
Coach Oka Guardiola a traha e team hopi ofensivo cu tres delantero.
Den e prome minut fanaticonan di Koyari a brouw nan carson ora cu un delantero di Undesa basta yen a bai laga nos dos defensanan central cu ta mas yen ainda i a hera score si no ta pa e keeper Andruw cu a sali i hasi foul net pafor di doelgebied pa hanja un carchi geel.
Chamir Boekhoudt despues a score un gol pa asina laga Koyari bai ariba 1-0
Hungando un wega hopi bruha cu mas di 20 off-side Koyari a purba di pasa e defensa pero Marvin"dude,what car hit me?"a hanja sa cu ta hopi dificil ora cu un tackle ala NFL a pone riba suela di savaneta.
Di dos tempo J-9 a bai laga e defensanan i cu un calmo di un sniper a buta e cuero net den skina pa celebra e di dos gol di Koyari.
Por bisa cu keeper "half dwarf"Andruw tawata tin un bon anochi te ora cu e la laga un corner bai den gol pa danja tur su anochi como mvp.
Koyari a gana 2-1

8 nov 2009

REAL KOYARI TA ELIMINA ATLANTICO DEN COPA BETICO
Un wega cu coach Oka a cuminsa cu 4-4-2 cu Giovanni,Darwin,Francis i Urney den defensa i Rafi, Albert,David (cu probablemente lo no hanja un wega completo e anja aki) i Marvin den bolante i Junel cu Rubino den delantero.
Wega a cuminsa cu hopi nerviosismo cu Urney"parkinson" i Albert"no pasa e bala pami" no por a wanta e bala,i tambe David"benchwarmer 4-life" no por a pasa un bala bon.
No papia mes di Marvin"mi no ta defende i tampoco pasa bala,i'm perfect"tawata hunga cabes abow.
Tambe Rubino cu parse cu e la traha triple shift den construckson prome cu e la a bin veld tawata na sonjo gran parti di e wega i asina Atlantico a score e prome gol di anochi.
J-9 cu su gol atrobe mester a mustra con e cos ki mester wordo hasi na e mucha jongnan aki cu siguramente mester bai check nan sanger na dokter pa esaki bisa nan cu lamentablemente nan ta parse i ta mas cu 40 anja di edad.Nan mama a inskribi nan laat na senso.
Di dos tempo Atlantico su condishon a laga bai i Koyari a probecha esaki cu dos gol mas un di Rubino cu twt na sonjo i bala a dal riba su pia bai gol i un sombrerito di Marlon"i wanna be like me"Lampe pa asina e wega termina 3-1 pa koyari.

4 nov 2009
COPA BETICO TA START DIASABRA AWOR RIBA VELD TANKI LEENDERT PA 8.30PM...
REAL KOYARI VS ATLANTICO

31 okt 2009
Cu dificultad pero mission cumpli......
REAL KOYARI TA GANA ARIKOK 3-0 !!!
Den un wega cu varios hungador ausente i cu e coach Oka very "happy" Koyari a subi tereno pa asina defende nan puesto di puntero cu un publiko hopi anima banda di veld.
Na cuminsamento por a ripara un paar di hungadornan nervioso manera Jaimi"cuerpo cuadrado" i Rubino cu Jonathan no tawata pasa e bala tempran i asina koyari twt perde e bala cada rato.
J-9(Junel) a bin veld cu e polvora mohada unda cu e gol no kier a drenta pa nos delantero.
Arikok tawata peligroso den un paar di ocashon ya cu nos centralnan tawata riba un linea mucho dilanti i bala twt pasa riba nan cabes bai.
Den half-time coach "what the hell are you seeing?"Oka ta hasi cambio pa David"i want to kill the coach"Costner cu tawata hungando basta bon i cu tawata juda defende enbes di a baha Rubino of Jaimi"sponge bob body" cu tawata desastrozo den prome tempo.
Cumpleanero Marlon Lampe a drenta den bolante atacante i ta hasi su presencia sinti cu e gol cu a tarda pa bin pero cu por fin por a pone e team hala rosea trankil.
Despues Koyari a hanja un pinalti cual Marlon a deposita den net pa bai ariba 2-0.
Momento cu Oka"waisted monkeyman" a cuminsa grita refree pa e short di un hungador di Arikok no ta bon nos twt sa cu esaki a jega e colmo de los colmos.
Pa colmo e ta saka "The legend" e monumento di museo archeologiko bibiente Francis"kabubi"Semerel i ta laga Jaimi"curpa di boter di old parr"riba veld.Oka you got to be sh???ing me!!!!!
Ora wega tawata den caba Chamir ta usa su speed pa pasa e portero di Arikok i score e 3-0 difinitivo.

25 okt 2009

Ayo ta keda sin presenta......
KOYARI TA GANA PA DEFAULT I TA BAI PROME LUGAR!!!!!
Division Dos

P

1 Real Koyari 11

2 Caiquetio 9

3 Undesa 9

4 Indep. Hooiberg 8

5 FC San Nicolas 7

6 CD Rooi Afo 4

7 San Luis Dep. 3

8 Arikok 3

9 Universal 1

10 San Nicolaas Jrs. 0

11 CD Ayo 0

17 okt 2009

Cu un nivel hopi halto di futbol.....
REAL KOYARI TA DESTROY UNIVERSAL 6-0
Ayera nochi cu un publiko grandi cu a bin wak e wega Koyari a sali todo por todo pa bai cu e tres puntonan.
Por a nota un cambio den e wega di Koyari cu a cambia e wega di bala largo pa un wega di toke di bala.
Den prome tempo Koyari a domina ful e wega,pero sin por a habri e score.
Marlon"paga candela"Lampe no tawata tin su punteria refina,pero e sigur tin e greenlight pa tira riba gol.
Universal tawata peligroso den un paar di ocashon,pero keeper Andruw tawata sa di trese salbashon riba e porteria di Koyari.
Cu santo pasenshi den di dos tempo porfin Koyari ta bai ariba unda cu bolante nr.20 Rafi ta los un tiro di 20m for di doelgebied i ta dal bow di lata bai den gol.
Despues di esaki Junel ta takeover den atake i ta score dos tremendo gol ala inzaghi.
Oka"mastermind"(sometimes) a hasi un cambio unda cu Giangelo a subi pa Marvin i cu esaki a lanta un paar di wenkbrauw ya cu Giangelo no a bin train e ultimo dos trainingnan i a hanja su chens i e no a laga esaki pasa anotando un tremendo gol di 30m leuw cu un tiki mas e tawata den parkinglot ora cu e la tira esaki.
Despues nos a tende cu Oka kier a cuida e hungadornan lekshona pesei e la opta pa e cambio aki.
Oka mas i mas ta parse Maradona como coach ,jen di polemica.
Dos gol mas a bin despues di nr 10.Chamir i di nr.5. Kendrick cu lo bai opera i a despedi cu un tremendo gol.
Hungador mas valioso tawata ful e team cu nan toke di bala pero si mi mester kies un hungador esei lo ta Rafi Rodriguez cu a controla e mediocampo i cu un tremendo gol.

12 okt 2009

DIVISHON DOS 2009-2010

CAMPEONATO SETAR NV 2009-2010

CLUBNAN WH WG WE WP GF GC D-S V-P PNT. kaarchi Kaarchi

1 Undesa 2 2 0 0 10 2 8 0 6

2 Caiquetio 2 2 0 0 7 2 5 0 6

3 Real Koyari 3 1 2 0 6 5 1 4 5

4 CDRA 3 1 1 1 3 4 -1 5 4

5 San Luis Dep. 2 1 0 1 4 1 3 3 3

6 FC Sanicolaas 3 0 3 0 3 3 0 6 3

7 Arikok 2 1 0 1 4 7 -3 3 3

8 Indep.Hooiberg 3 0 2 1 3 4 -1 7 2

9 CD AYO 1 0 0 1 1 5 -4 3 0

10 Universal 3 0 0 3 1 9 -8 9 0

Controle 24 8 8 8 42 42 0 40 32 0 0

10 oct 2009

ESAKI A SALI DEN 24.COM 14 SEPT 2009

A keda constata den bario di Noord e necesidad pa mas veldnan di futbol pa nos jovennan!!

Monday, 14 September 2009 - 15:14

Candidato nr. 11 riba lista di AVP pa e districto di Noord, mr. Alexander Tromp por a tuma nota di e necesidad cu tin den various barionan den e districto di Noord pa locual ta concerni veldnan/tereno di futbol pa nos jovennan como adultonan. Hecho ta cu nos jovennan ora di kier hasi uso di por ehempel e veld di futbol di e compleho Frans Figaroa, ta hanja un no pa cu esaki, ja cu no ta asina facil pa hanja un aprobacion pa algun jovennan hasi uso di esaki sin mas.Click lesa mas pa mas informacion.....

Canando den barionan di Sabana Liber, Tromp por a constata e deseo di e jovennan den e bario aki riba un veld/tereno di futbol y aki sigur ta obligacion di Gobierno pa ofrece e jovennan aki locual cu nan ta aspira pe pa asina sanamente nan por recrea entre nan den bario. Tambe tin e equipo di Koyari cu pa anjasnan caba ta bogando pa un veld/tereno di futbol y aki Tromp ta accentua cu e, como personan cu a nace y biba den e bario di Bubali y ta bini for di famianan di Koyari, lo bay hasi su maximo esfuerzo pa asina e bario di Koyari como tambe esun di Sabana Liber/Seroe Janchi hanja nan propio veld di futbol pa asina sanamente tene nos jovennan for di e mal caminda.

Continuando Tromp ta enfatisa cu Gobierno berdad tur dia ta gaba cu e compleho Frans Figaroa pero a keda constata cu uso di e facilidad aki ta solamente cu autorizacion di esnan cu ta dirigi e compleho aki y sin mas nos jovennan di bario no por hasi uso di e compleho aki pa nan recreacion ora cu nan kier. Accentuando riba esaki mester anjadi cu e equipo di Real Koyari ora di nan training hasta mester bay te na paradera pa hasi uso di e veld di Caiquetio ja cu no tin un cancha di futbol den e bario mes. Anto aki bo tin un Gobierno cu ta gaba di ta sigui inverti den deporte manera esun cu nan ta bezig actualmente ta construyendo na veld di Winston na Santa Cruz. Mester puntra atrobe ken mag di bay hasi uso di e facilidad aki den futuro?? Pasobra sigur sigur ora algun joven di e bario dicidi cu nan lo kier bay hasi uso di e cancha sin mas no lo no bay hanja autorizacion ja cu mester delanta pidi permit etc.etc.y den hopi caso esaki ta wordo nenga nan anan.

Tromp ta hanja cu Gobierno mester bay otorga terenonan den diferente barionan pa asina destina esakinan pa cu veldnan di futbol o otro deporte pa asina nos jovennan di bario sin ningun dificultad por hasi uso di esakinan pa cu nan recreacion.

Terminando Tromp ta accentua cu su compromiso ta di lo bay hasi tur locual ta na su alcanse pa asina realisa e sonjo di hopi jovennan di e diferente barionan den pueblo di Noord pero como tambe Aruba pa otorga terenonan pa asina destina esakinan pa deporte y consequentemente aleha nos jovennan for di e mal caminda!

oct 2009
POKO HUNGADOR NA TRAINING DIALUNA I DIARANZON!!!!!!!!!
Un coach Oka Guardiola disgusta cu atendencia di hungadornan na training despues cu no a wordo hunga bon den e ultimo weganan.
E unico hungadornan cu a bin train dialuna ta David,Marlon,,Clifford,Jaimi,Shamir,Francis i Rafi i Diaranzon a presenta David,Francis,Andruw,Marlon i Jonathan.
Ban zorg pa jega training,corda cu sin sacrificio no ta jega ningun caminda.

3 oct 2009

REAL KOYARI 3-3 FC SAN NICOLAS
Koyari ta mustrando falta di caracter pa ora di sera e wega ya cu na ultimo minut fc san nicolas ta empata e wega 3-3 pa asina e dos teamnan bai cu un punto.
Koyari tin hopi destroyers pero poko hungador cu ta toka bala i esei por ripara den e wega di e colebranan di noord.
Un hopi bon wega di genetic freak Junel Semerel cu a score 2 gol.Otro cu a hunga bon pero mas den prome tempo cu di dos ta Rafi Rodriquez.
Darwin, Giangelo i Kendrick tawata duro den defensa pero atrobe mi ta bisa cu nan no ta forma parti di e opbouw si no di destrui e wega di e otro team so.
Proximo wega ta contra Daniel su team Universal diabierna otro siman riba Bubali.

2 OCT 2009
Awenochi riba veld di Bubali............
REAL KOYARI CONTRA FC SAN NICOLAS

29 sept 2009
Ayera nochi riba caiquetio........
UN EMPATE CU SABOR AMARGO!!!!!!!!!!
Despues di a gana e prome wega contra san luis ,Koyari a enfrenta e team cu ta jama nan mes super depor.
Atrobe nos por a wak un Koyari hopi nervioso unda cu no por toke e bala 3 biaha tras di otro.
Un sistema di wega cu no tin pia ni cabes cual ta bala di careda so mi a wak pa Junel of pa Chamir.

Varios hungador a briya individualmente esaki ta e caso di e tres defensanan nr 21.Giangelo,nr3.Giovanni i nr16.Urney pero den team mes no tawata tin nada.
Coach Oka a hasi cambionan pa atrobe purba di trese algo pero sin bon resultado.
Mi ta kere ora cu e la cambia rafi pone na banda tawata un mistake grandi.
Problamente mester a pone Rafi i Darwin bandi otro memei den bolante i Marlon dilanti di nan.Pero ya esei ta Oka su desishon i ta dificil pa hasi cambionan durante di wega.
Jaimi cu peso dimas i tambe un paar di brufein dimas no por a hasi nada ya cu no tawata tin toke.
Atrobe prome tempo tawata hopi mas mihor cu di dos tempo unda cu Koyari no a tochi e bala mes cual fanaticonan a cuminsa ripara i pa e otro wega problemente nan lo bai cas halftime.
E dos golnan di Hooiberg tawata fallo grave, un di Kendrick Tromp cual den wega e monster energy drink a kick in i asina e la dal un hungador di Hooiberg un skop cobardemente ya cu esaki tawata na suela i ora esaki a lanta ya Kendrick tawata 115meter leu di dje. E otro fout tawata di e keeper Andruw cu siman pasa tawata grand pero e biaha aki tawata hopi chikito mes..
Pa Koyari a score nr.10 Chamir i nr.9 Junel.
Wega a caba 2-2.

TRAINING NA BUBALI PA 6.PM DIARANZON AWOR
25 sept 2009
dialuna awor riba caiquetio..........
REAL KOYARI VS IND.HOOIBERG

SUSAN DA SILVA DI DIRECTIVA CU TREMENDO INICIATIVA !!
Reunion ayera nochi a bai hopi bon unda e hungadornan i e coach por a papia di e wega anterior contra san luis i asina wak kiko por mehora pa dialuna awor.

Tambe Susan i Anouschka hunto cu Tichi atrese ideanan pa asina nos por hanja un actividad den fin di anja.

24 sept 2009
REUNION GENERAL AWENOCHI!!!!!!!!!
PLEASE BAN JEGA NA TEMPO 8'OR NA CAS DI TOMMY WOLFF

22 sept 2009

UN WEGA NO APTO PA CARDIACO...........
REAL KOYARI 1-0 SAN LUIS DEPORTIVO
Riba veld di Tanki Leendert e fuerte team di San luis Dep. a topa cu e colebranan di Noord unda cu na cuminsamento ya tawata tin tardanza ya cu e refree su auto a danja i no por a presenta.
Pero di out of nowhere UFC fighter Rambo Flanegin a dicidi di fluit e wega cu acuerdo di tur dos team.
Cuminsando e wega Koyari tawata toka e bala bon i na di 3 minut e defensa number 5 Kendrick"konentchi" Tromp a los un tiro fuerte cu e keeper di San luis no tawata tin chens cu ne.Durante ful prome tempo Real Koyari domina e wega i hanja chensnan pa hasi e score mas halto pero sin fortuna.
Wel,di dos tempo tawata ful un diferente storia unda cu Koyari a lubida kiko ta toke e bala i si no ta pa e hungador mas valioso keeper Andruw awe nos tur lo tawata yorando.
Coach Oka a purba di injecta energia gritando gagamente na banda unda cu ningun di e hungadornan ni fanaticada no tawata comprende kiko e kier a bisa.
Antho Henriquez cu ta parse cu e la caba di hasi 50 anja no tawata forza i e la drenta mas fresco cu un lechuga,por ta e bala cu Kendrick a dale den su cabes ainda tawata hasi efecto.
Ricki cu tambe ta mustra cu a hasi mei siglo di bida a mustra cu nos tin di pensa pa elimina su carnet pa bida largo.
Un susto Koyari ta hanja ora cu Marlon"paga candela"Lampe ta sinti un spiervereking,pero asina mes a sigui te final di wega.
Den e ultimo minutnan di wega e atacante di San luis ta skop e bala cu gol bashi,pero e bala ta dal riba pecho/schouder di Urney"dreadlocks from hell"Dirkz pa asina salba nos di e empate.
Koyari ta gana 1-0,pero coach Gagoka tin cu bai traha duro riba e toke di bala.

Reunion diawebs 8.00pm na cas di Tommy Wolff

19 sept 2009

Dialuna awor pa 8.00pm riba veld di tanki leendert campeonato 2009/2010 ta start
Real koyari vs San luis deportivo

15 sept 2009

TRAINING DIARANZON MAYAN PA 6.00PM (LO TIN PARTIMENTO DI SHEDULE)
RIBA VELD DI CAIQUETIO.
PLEASE BAN CORDA JUDA CU LUZ FLS10,- TUR LUNA.

ESAKI A SALI DEN SPORSTARUBA .COM

S.v Real Koyari kier a anuncia cu nan a keda cla cu e traspaso di e hungador estelar Marlon Lampe !!

on Sunday, 13 September 2009

Published in : , Futbol

KOYARI -- E Bolante aki a mustra hopi interes campeonato pasa pa join e team jong di Noord i asina president di Real Koyari Oka Wolff no a basila pa hasi esaki posibel. Pero akinan President Oka(Florentino Perez) no a stop i a hanja mas hungadornan manera Chamir Boekhoudt di Sporting.Di S.V Bubali a jega Bello croes,Jonathan Farro,Rubino Lacle i Rafi Rodriquez cu a bin cas bek despues di dos anja.
Ainda tin plan pa trese Romeo Fuentes di Dos Caminos pa cual nos ta expect pa keda cla prome cu campeonato cuminsa.
Cu un team bon balansa cu hungadornan veterano i jong e colebranan di Noord lo duna bataya grandi pa e titulo campeon divishon dos e anja aki.

13 sept 2009

E LISTA DI HUNGADOR PA CAMPEONATO 2009/2010

COACH:OKA WOLFF

1.RANDY
2.CLIFFORD
3.GIOVANNI
4.FRANCIS
5.KENDRICK
6.DAVID
7.RUBINO
8.ALBERT
9.JUNEL
10.CHAMIR
11.ROMEO
12.ANDRUW
13.JONATHAN
14.DARWIN
15.MARVIN
16.URNEY
17.
18.JAIMI
19.
20.
21.GIANGELO
22.
23.KENDRICK
24.MARLON

9 sept 2009
TRAINING RIBA BUBALI PA DIahuebs 10 DI SEPT PA 7.30PM
Lo ta contra e team di Atlantico.

8 sept 2009

Probablemente door cu tin wega di veterano tambe..
TRAINING RIBA R.C.A TA CANCELA!!!!
Ex-coach Hans no a logra di hanja e veld pa diaranzon.
Nos ta disculpa pa cualkier incoveniente cu esaki por a trese.
Please avisa e otronan hungador si bo wake.

8 sept 2009

Diaranzon awor pa 6.00PM riba veld di R.C.A na solito....
TRAINING R.C.A (JUNIOREN) VS REAL KOYARI

6 sept 2009

Despues cu Koyari a gana Caravel 2-1 riba veld di Arsenal,Coach Oka Wolff lo tin hopi trabow pa hasi faltando poko dia pa campeonato start.
Falta hopi e wega colectivo i tambe trankilidad unda cu aki lo tin cu bai traha duro riba esaki.
Contento si nos por ta cu varios hungador a presenta na veld,ban spera cu asina tawata e caso den trainingnan,cual mi mes a falta varios(voetbal moe).
E sistema di wega 3-2-3-2 cu a wordo hunga ta uno hopi ofensivo ya cu Coach Oka a pone cu un lastman i un voorstopper.
Pero mester analiza si ta e sistema aki lo ta e miho pa Koyari.

Nos kier a laga sa cu e repatishon di e numbernan no tawata oficial,den e dia nan aki di training lo wak kua hungador ta hanja tal number,ya cu nos tin cu entrega e lista di hungador na a.v.b.

3 sept 2009
Diabierna 4 di sept riba veld di Arsenal pa 8.30pm....
REAL KOYARI VS CARAVEL .... BE THERE!!!

31 aug 2009

Campeonato 2009/2010 ta den start i nos tey atrobe pa asina duna hopi informashon di nos team favorito di Noord cual ta Real Koyari.
Coach Oka a train e muchanan duro den off-season pa asina nos ta cla pa cuminsa cu throt den bom.
Varios caranan nobo lo tin e anja aki manera Marlon Lampe cu a bin di Nacional,Chamir cu a bin di Sporting,Reubinho,Jonathan,Pachi cu ta di prestamo for di Bubali(nos ta gradici Bubali pa esaki).
Tambe un pionero di Koyari ta bek cual ta Rafi cu lo juda tremendo den bolante.
Den e dianan aki nos lo ricibi e shedule pa asina nos tur por bai anima e colebranan di Noord.

DIARANZON TIN TRAINING RIBA BUBALI PA 6.00PM
Door cu tin weganan di veterano riba caiquetio e training a cambia di veld i aworaki lo bai ta na Bubali.
Tuma bon nota di esaki i bisa otro hungador si bo wake.

		P
1	Real Koyari	11
2	Caiquetio	9
3	Undesa	9
4	Indep. Hooiberg	8
5	FC San Nicolas	7
6	CD Rooi Afo	4
7	San Luis Dep.	3
8	Arikok	3
9	Universal	1
10	San Nicolaas Jrs.	0
11	CD Ayo	0

			DIVISHON DOS 2009-2010
CAMPEONATO SETAR NV 2009-2010
	CLUBNAN	WH	WG	WE	WP	GF	GC	D-S	V-P	PNT.	kaarchi	Kaarchi
1	Undesa	2	2	0	0	10	2	8	0	6
2	Caiquetio	2	2	0	0	7	2	5	0	6
3	Real Koyari	3	1	2	0	6	5	1	4	5
4	CDRA	3	1	1	1	3	4	-1	5	4
5	San Luis Dep.	2	1	0	1	4	1	3	3	3
6	FC Sanicolaas	3	0	3	0	3	3	0	6	3
7	Arikok	2	1	0	1	4	7	-3	3	3
8	Indep.Hooiberg	3	0	2	1	3	4	-1	7	2
9	CD AYO	1	0	0	1	1	5	-4	3	0
10	Universal	3	0	0	3	1	9	-8	9	0
	Controle	24	8	8	8	42	42	0	40	32	0	0

Team history

Franciskabubisemerel — Sat, 23 May 2009 08:02:47 CDT

Real koyari su storia ta cuminsa unda cu un paar di amigonan di bario tawata bai hunga riba e veld chikito di koyari cu ta keda net patras di Du rodriguez su cas.
E muchanan aki un tempo tawata hunga pa team di bario manera salinja boys (francis,junel,antho,sandokan),washinton(francois,sammy)i tambe koyari(oka,ricki,rafi,gino,grego,jeffrey,antho,chakal,darwin) .
E grupo aki completo varios biaha tawata bai hunga contra e team di bario di palmbeach bad boys cu tawatin hungadornan manera boy,tico,etchi,fenchi).
Mr.Du Rodriguez a mira interes den e muchanan di hunga futbol i hunto cu Randi Tromp a hasi posibel pa koyari hanja un statut cu ta hiba nomber s.v real koyari.
Esaki a sosede na anja 2000.Durante e siete anja di existensia koyari tawata tin varios president Randy Tromp,,Jeffrey Leest,Sergio Tromp i awor na ultimo Oscar Wolff.

S.V REAL KOYARI 4-life - Recently Updated Pages

REAL KOYARI WEBPAGE

Division Dos

Players(colebranan)

Injury list

Uniform

Schedule/calender

Week of [Month, Day, Year]

22 JUNI 2009 DIALUNA

TRAINING RIBA CAIQUETIO
PA 5.45PM

CORDA TRESE BO FLS 10,-

24 JUNI 2009 DIARANZON

bautiso di uniform 2009/2010

Team history

Directiva/staff sv real koyari

Videos

Sponsor 1

Website di teamnan(A.V.B)

Website di A.V.B

DEFENCE

GOALKEEPERS

FORWARDS

MIDFIELDERS

Sponsor

Veld

CENTRO JUVENIL WASHINGTON

ARTICULO (2)

ARTICULO (1)



Type your photo caption or credit here.	Type your photo caption or credit here.	Type your photo caption or credit here.

	Francis Semerel heel injury

S.V REAL KOYARI 4-life - Recently Updated Pages

REAL KOYARI WEBPAGE

Division Dos

Players(colebranan)

Injury list

Uniform

Schedule/calender

Week of [Month, Day, Year]

22 JUNI 2009 DIALUNA

TRAINING RIBA CAIQUETIOPA 5.45PM CORDA TRESE BO FLS 10,-

24 JUNI 2009 DIARANZON

bautiso di uniform 2009/2010

Team history

Directiva/staff sv real koyari

Videos

Sponsor 1

Website di teamnan(A.V.B)

Website di A.V.B

DEFENCE

GOALKEEPERS

FORWARDS

MIDFIELDERS

Sponsor

Veld

CENTRO JUVENIL WASHINGTON

ARTICULO (2)

ARTICULO (1)

TRAINING RIBA CAIQUETIO
PA 5.45PM

CORDA TRESE BO FLS 10,-